الى مولاتي فاطمة الزهراء(سـلآم آلله ع ــليهــآ)

من طرف **A S M A R** الجمعة أغسطس 06, 2010 12:50 am

هوه يا حزن المثل حزن العليج ... ويا دمع عبراته دم من ينسجب

وهوه يا قلب اليلم كل هالعذاب ... وغير همج ما اضن هم ينحسب

منهو مثلج وانتي ايه من الجلال ... ومن مليك الكون در نورج عذب

ويا وصف يوصل صبر بنت الرسول ... ويا خيال اليدنه يمه ويقترب

منهو مثلج وانتي مفتاح الجنان ... الما ينوله الا العلى اعتابج نحب

منهو مثلج وانتي رب الكائنات ... يرضى من ترضين وبزعلج غضب

منهو مثلج يا سراط المؤمنين ... والتمسك بيج بالجنه نحسب

منهو مثلج وانتي ام الكوكبين ... ودرة الدنيا التضل فوك العجب

منهو مثلج وانتي ام الاولين ... وانتي ام الوارث وخير النسب

دار فاطم رحمه بيهه الطاهرين ... بيهه اهل الجود واصحاب الكرم

دار فاطم بابهه بوسع السماء ... والكصدله بروح مبخوت وسلم

دار فاطم هيه حي على الجهاد ... ومركز الاحرار والدر والقيم

دار فاطم حيل من رب الوجود ... وهيه ثورات الاشاوس والقمم

دار فاطم بسملة اعظم كتاب ... وبيهه رب الكون علم بالقلم

دار فاطم محور الحق والنجاة ... ولولا فاطم جان هالدين انهدم

دار فاطم هيه دار المصطفى ... شلون يتجاسر عليهه ابن الخدم

شلون يتجاسر عليهه ابن الحرام ... ويسحك اعتاب الاسمهه اكبر علم

شلون يتجاسر عليهه البالحروب ... تشوفه طخ الراس وبذله نهزم

شلون يتجاسر عليهه البالكتاب ... انفضح من ربك وصيته اصبح عدم

شلون يتجاسر ابن ارذل نسب ... واهلهه لليوم اتتفاخر بالصنم

هيه فاطم هيه نور الله المبين ... ولاجل فاطم هالارض تكوينهه

هيه نزلت ويه جبريل الامين ... وجابت وياهه الحسن وحسينهه

هيه ايه توسطت قلب الكتاب ... وماكو فاصل بين نوره وبينهه

هيه فاطم هيه زينب بالطفوف ... ومحد على اهل النفاق يعينهه

هيه فاطم هيه هيه ام البنين ... ويمنة العباس هيه يمينهه

هيه فاطم زينب وبالنايبات ... سياط اميه على الجتاف وعينهه

هيه ضلع الدامي نحره بكربلاء ... ولولا فاطم هالخلك ذل دينهه

وهيه دم شريان الاكبر والرضيع ... وهيه روس البالخضب تجفينهه

وهيه صرخة سكنه عمي الماي اريد ... وهيه اطفال وحرم ماذينهه

وهيه وكفة حيره بعيون الحسين ... وجيش اهل الباطل ملاكينهه

وهيه رحمة ربنه نزلت للعباد ... وهيه نعمه اهل الكفر جافينهه

هيه فاطم هيه بنت البالوجود ... علم الزينات وابعد شينهه

وهيه البنبره حزن ضلت تصيح ... بيوم اهل الزور صاحو وينهه

وهيه البضربة عمر خدهه اندمه ... ويا حسافه وحيف ااذت عينهه

الزهره ضلت لا معين ولا نصير ... بس اراذيل الكفر والينهه

وهيه البدفعه حقد فكدت جنين ... ومن عصرهه تكسرن ضلعينهه

وباب بيت البيه نزل وحي الاله ... صارت بنار ولضى موجرينهه
ـــــــــــــــــــــــــــــــــــــــــــــــــــــ
مع
تحــــ حيدر الرماحي ــــيات